Նոր ծառայություն՝ «Էրեբունի» ԲԿ ծննդատանը. erebunimed.com

«Էրեբունի» բժշկական կենտրոնի ծննդատանն աշխատանքն է սկսում Նորածինների հսկողության ամբուլատոր ծառայությունը, որտեղ բուժօգնություն կստանան ինչպես առանց խնդիրների ծնված, այնպես էլ ինտենսիվ թերապիայի բաժանմունքից արդեն դուրս գրված փոքրիկները: Նորաբաց ծառայությունում ծնողները կարող են նաեւ երեխայի կյանքի առաջին օրերի եւ շաբաթների խնամքի, սնուցման և զարգացման առանձնահատկությունների մասին խորհրդատվություն ստանալ: Նորածինների հսկողության ամբուլատոր ծառայությունում անհրաժեշտության դեպքում կկատարվեն կլինիկական, լաբորատոր և գործիքային հետազոտություններ: Ծառայությունը համալրված է նաեւ երեխաների գլխուղեղի հետազոտության սոնոգրաֆիկ սարքով: Այն հնարավորություն է տալիս կատարել նորածինների և վաղ մանկական հասակի երեխաների գլխուղեղի նեյրոսոնոգրաֆիա՝ անոթների դոպլեր հետազոտությամբ:

Հարցեր, պատասխաններ, մեկնաբանություններ